鄧麗欣認老想收山

11月 07, 2017 新聞 0 Comments

藝人鄧麗欣（Stephy）領軍的排球隊Loey苦戰兩局後以0:2敗陣，最終「護級」失敗要降回丙組，見Stephy同隊員都冇晒心機。講到輸波，Stephy表示比賽以平常心面對，但都有少少緊張，可能因為先輸第一局，到第二局時，大家心態都不能再輸，更令大家發揮不到平時水準，失好多平時不會失的球。她謂打波就似傳染病，一個緊張，其他隊員都會緊張，Stephy 說：「咁打波唔係贏就輸，兩個賽果我哋都預咗嘅！（輸咗邊方面？）係輸緊張，但呢場係關鍵賽都冇法唔緊張。」

保留球隊未必再打

問到身為班主的她是否要安慰隊員，Stephy說：「係呀，同埋都要安排『身後事』，即係睇吓究竟點行，我會繼續保留球隊，至於隊員打唔打，就睇佢哋意願，因為降番落丙組係重頭打過，條路係難行同好辛苦，當然都想佢哋一條心再打番上嚟，人生就係咁啦。（你會唔會再落場打？）下年未必見到我啦，我老啦，打唔到街場，好易受傷，之前練波已經拉傷肌肉，年紀大啦！」